即將上映嘅Marvel大作《雷神奇俠3：諸神黃昏》（Thor: Ragnarok）一向都由基斯漢斯禾夫（Chris Hemsworth）同湯希丹斯頓（Tom Hiddleston）主演，但最近就傳來麥迪文（Matt Damon）會客串《雷神3》之餘，仲搶咗湯希丹斯頓「洛基」一角嚟做！點解會咁？

近日有個電台節目爆料，指巨星麥迪文會客串《雷神3》，仲係做「洛基」一角，不過佢就唔係取代湯希丹斯頓，而係會喺戲中嘅一個回顧短劇中做洛基，即係類似戲中戲嘅情節，而仲有傳媒講笑指班亞弗力（Ben Affleck）做雷神添！無論如何，今集《雷神3》嘅格調都一定同以往兩集好唔同，無論預告定係宣傳片都夠晒風趣搞笑，完全有導演Taika Waititi嘅抵死風格！