【本報訊】根據本港法例，鬥蟀並不構成罪行，惟涉及賭博則屬犯法，早於五十年代，本港已有賭蟀地攤的出現，當中涉及警察「收規」默許經營的情況，至廉政公署成立才有改善。

掌故達人鄭寶鴻表示，童年記憶，中環前中央戲院對開禧利街，兩排暗巷經營洋雜及織布檔，門前會擺放大量蟀盆，好此道者就知道該店專賣雄蟀。門前定期有人擺地攤鬥蟀，並接受圍觀蟀迷落注，「大家好似睇跑馬、賭大細，睇吓邊隻跑出，落注單位係以『餅』計，一次可任落幾多個，一個餅可代表50或500蚊 。」以此暗語避過賭錢嫌疑。由於賭蟀可被檢控，蟀檔主持會向警察交納賄款，至廉政公署1974年成立，嚴加打擊警察「收規」，該類賭檔漸漸絕迹。

侯志強憶小時棺材窿搵蟀

上水鄉事委員會主席及北區當然區議員侯志強憶述，老一輩教授棺材邊長大的蟋蟀戰鬥力最強，童年相約三五好友捕捉。「細路仔無嘢玩，周圍搵蟀，去和合石搵，三更半夜走上墳頭，和合石通常葬咗七至八年要起骨削肉，有時肉身化唔清，啲蟀最鍾意吸收呢啲營養，所以我哋專喺棺材窿度搵。」揀蟀亦有講究，頭部特大、前臂粗壯，蟋蟀體色紅得發紫，才是百中無一的蟀王。侯志強稱，隨着年歲漸長，他10歲後已無鬥蟀，亦不覺新界人熱衷於這玩意。

有旺角雀仔街檔主透露，巿面售賣的蟋蟀只有美洲白蟀及日本雙斑黑蟀品種，全部均為本地繁殖，主要用作餵飼雀鳥及爬蟲動物，打鬥用的「桶蟀」十多年前停售。據他所知，仍有個別蟀友每逢秋季私下約戰，但已淪為牙骹戰或聯誼活動，非昔日大額投注可比。

■記者莫家文