42歲「黃金盛女」林志玲，噚日俾台灣傳媒爆出有個經營廣告設計公司嘅筍盤男友Chris，(新聞連結： http://bit.ly/2j7VpJC )，二人喺舊年10月撻着，男友聖誕節當晚仲同志玲姐姐屋企人一齊聚餐，似乎已經融入女友家中。

平時好少講感情嘅志玲姐姐，承認已經有認識嘅「新朋友」，點知今日就爆出原來Chris早已名草有主，唔只有個正印空姐女友，身邊異性仲團團轉。

據台灣《蘋果》報道，有爆料者稱自己係晶華酒店員工，由於Chris生得高又靚仔，長住酒店，引嚟唔少職員嘅注意。爆料者又指Chris早有1位空姐女友，「而且事實上他的女友不只一位，我們都見過許多次、許多個和他在一起的女生」，由於唔希望林志玲俾人呃，先決定寫呢封信。

爆料者更指出Chris可能同酒店老闆熟識，態度目中無人，喺酒店嘅名聲唔係咁好。對於，Chris被爆有空姐女友，而且女友數目唔只1個，林志玲工作室代為回覆：「爆料者太厲害了～大家新認識朋友的時候也不會特別去過問這些啦。」