周末（22日）沙田七草三泥賽事，草地用全闊A跑道，天文台預測天晴，估計場地掛牌為好地。

睇番上季9月24日首次田A欄賽事，當日各場守前兩位入直路馬僅三駒入位，反而居中後上馬表現甚佳，如「贏盡」、「閃耀鑽皇」及「龍船鼓響」俱從中後位置衝上贏馬，故此靠後勁食糊馬不妨優先留意。

今戰列陣馬中，第三場「南京之友」歷季三捷均在田A欄所得，今仗重返四班出爭強項有力贏馬反彈。

另外，尾場「綫路勇駒」兩次角逐A欄1400米均非勝即位，開鑼日（2日）跑B欄同程已追得接近，回師A欄可爭勝。

至於三場泥地路程皆為1200米，今季兩場同程分別由「歡悅星」及「上市動力」後上建功，故此周六頭場「超然」、第二場「勁快步」及第六場「仁愛之星」等擅跑泥地之後追馬可秤先。