【有料到】剛戰打茅波被重罰！豐豐決心重振「雄」風（韋倫）
蘋果日報 2019/12/27 22:55
韋倫史卓豐有料到雄龍
雄龍今仗首次降落五班作賽
史卓豐近期都算當黑，剛戰（26日）被重罰要缺陣一段時間，今戰座騎實力唔錯，相信必定積極為爭取成績而戰。
對史卓豐向來十分支持的蘇偉賢今次又有關照，就是第二場五班1650米的「雄龍」，此駒最近兩戰泥地都獲得獎金，表現漸見進步，更有利的是今次初降五班作賽，質新未見底之馬，可期為騎者爭取佳績。
「雄龍」上季演出毫無睇頭，評分得以迅速下調，今季45分起步，第一場跑谷戰無功，翌仗轉爭泥賽，排14檔出閘，疊埋心水留前鬥後，早段落後甚遠，轉彎時沿外疊發力推進，走勢甚佳，試馬味濃，埋門維持同速跑第四表現唔差。
剛戰進一步增程1800得第五，三仗累積減去5分，今場得以落五班上陣級數秤先，加眼罩上陣動機正面，且排五檔好跑，可打開勝利之門。