本港前冠軍騎師潘頓，周三晚(27日)快活谷夜馬只得六匹座騎，數量唔及得跑足八場嘅莫雷拉，但爭勝籌碼都不少，除了蘇廐一對名氣馬「實力飛駒」及「活力小駒」之外，第三場五班1200米，徐雨石的「金磚五國」剛在其胯下贏田草1200米變化地，今次原庄配搭轉戰谷草，潘頓表示此駒質素不高，但跑五班卻綽綽有餘，上場贏馬加六分不算多，今次再跑負127磅不會構成障礙，排二檔亦有利起步後找遮擋留力，加上再逢變化地，潘頓笑言一切條件好似整定「金磚五國」可以再下一城。
潘頓接着表示，第五場四班1800米，東廐「愛美麗」上場初跑谷草爭此程得第三，證明可以適應上山落斜場地，今次再來演出理應可更進一步，唯一擔心抽到11檔，但如臨場際遇好一些，仍有望擊退對手。