【愛在瘟疫蔓延時】38歲前港男吳雲甫今日結婚 搵龍珠加持接新娘？
蘋果日報 2020/03/01 11:46
結婚龍珠李居明吳雲甫
38歲前港男吳雲甫今日和女友林瑋如（Jackie）註冊結婚，無懼疫情威脅，愛在瘟疫蔓延時。
今早吳雲甫出門接新娘前，接受《蘋果》電話訪問，他開心說：「我而家啱啱出門口，噚晚唔太瞓得到，瞓吓醒吓咁，而家先去接新娘，儀式幾簡單，兄弟姐妹都冇叫，因為噚晚有兩場足球大賽，又英超又西甲，費事搞住啲兄弟姐妹，其實姐妹先睇波睇得緊要，太太嗰邊啲女仔friend都睇波，畀佢哋睇波瞓晏啲，所以朝早接新娘我單刀赴會，利是全部自己準備，希望冇執漏嘢，今日天氣非常之好，而家開始緊張啦。」
昨晚註冊前夕，吳雲甫在社交網限時動態貼了一張《龍珠》海報相，他雙手叉腰站在《龍珠》前面，還在相中加了李居明為口罩加持的金句「一齊臨兵鬥者皆陣列在前」，之前李居明話播《龍珠》可以抗疫，問吳雲甫是否接新娘前搵「龍珠」加持？他說：「唔係呀，呢張舊相嚟，17年喺台中影嘅，噚晚冇嘢做，老婆返咗娘家過夜，自己一個喺屋企，又準備好晒啲結婚嘢，咪自己一個撳吓手機，見到咪無聊po相囉。」
《果GYM》隨身播 健身壹App過！
互聯網圖片