讀者占美：
一統家用遊戲機的天下，從來只係一個夢想。況且賣遊戲不是一個賺錢嘅項目。試諗吓，用不到二千蚊價錢買部咁多功能嘅Wii返屋企，對比PS3，任天堂嘅「油水」唔會多得去邊。
Wii最令人震撼之處，係將所有你可以喺街機所接觸到嘅體感玩法帶返屋企。我唔係講以前做唔到，不過幾百蚊買隻Game，仲有幾多人願意再花幾百蚊買埋光槍、鼓等等周邊嚟玩？若PS3同XB360嘅進化係走咗一小步，Wii就算行了一大步！
一個財政唔算相當緊絀嘅玩家，如果可以畀得起成五千蚊去買PS3，大概唔會介意再花多少少錢去買Wii啩？買幾隻Game都用咗啦！Wii唔可以一統天下，但我敢肯定任天堂會係大贏家！

電腦男評語：

相當認同占美嘅睇法，Wii引人買機動力不少，雖未必可統一Game界成一哥，又或主機利潤不多，不過高銷量遊戲絕可Cover一切，賺錢能力肯定係3機之冠！

＊得獎者請以來稿之電郵地址，補回真實姓名及身份證號碼（英文連頭4個數字便可），以便專人通知領獎事宜。

唔滿意本欄論點？對3大主機好多意見不吐不快？即管電郵畀我哋暢所欲言！
來稿要點：
＊成功刊登稿件之作者，將獲贈遊戲精品。
＊稿件字數不可超過500字，本欄有絕對刪改權。
＊每段稿件請集中評論，歡迎多段式投稿。
＊稿件可電郵至[email protected]
＊來稿請附筆名、聯絡方法等簡單個人資料。