胡楓(修哥)今晚到尖沙嘴龍堡國際胡應湘堂，出席定山寺重建慈善晚宴。

講到老友Joe Junior仲喺醫院，修哥話冇去探病：「未呀，怕佢見到我激動或者好感動，唔想佢喊。想等佢好啲先探佢，我有透過佢經理人同佢講加油，亦有問候太太。」

咁Joe Junior嚟緊係咪要做「通波仔」手術？修哥就話：「佢做咩手術我就唔知，只係知佢會做手術。」

修哥呢排有冇聯絡曾江同謝賢？修哥話早上個星期至同曾江食飯，但因為謝賢太忙就搵唔到。問到近期瘋傳謝賢同謝霆鋒單手揈蕉嘅片段，修哥話聞所未聞：「吓，聽都未聽過，下次你哋問我嘢之前都要睇下我識唔識答先得。」當記者解釋畀佢聽何謂「單手揈蕉」，修哥知道就笑得好開心話：「哈哈，等我返去試下先，下次帶定多啲蕉出嚟示範你哋睇，招呼你哋。」