教授智障人士打鼓的楊小姐本為小學音樂老師，她指出，智障人士通過學習與表演鼓藝，可以改善自信，排除自卑感，「以前佢哋淨係耷低頭，唔敢用眼望人，經過幾次出外演出，慢慢變得敢面對陌生人」。
不過她指出，教授智障人士打鼓及音樂要有另外一套技巧，「教佢哋時，指令要簡單清楚，逐句好慢咁講，而且要嚴格執行上堂規矩，保持佢哋嘅注意力，最初仲要義工『人盯人』，隨時捉住佢哋隻手教！」