當年今日
關於我們

婦女銀袋日 穿金又戴銀

蘋果日報 2015/11/06 00:00


禮拜日沙田九草兩泥賽事,草地用最狹窄之C加3跑道作賽,睇番上季11月9日婦女銀袋日亦係用C加3欄,當日九場轉彎路程賽事,其中八場有一至三檔馬上名,而且合力交出四W,可見內檔馬優勢甚大。至於跑法上,後追馬絕對唔蝕底,好似「搖錢樹」、「星航渡」、「包裝鬥士」、「觀自在」等都係入直路後從中後叠衝上反先對手,靠後勁食糊嘅馬咪睇小。
今戰列陣馬中,頭場「金銀花」係全場唯一曾於C加3欄上名之參戰馬,憑較佳場地性能可重開勝門。另外,十場「奮鬥雄心」上仗正是於C加3欄用後追跑法勝出,今次等番同一移欄再跑,有機會再下一城。
至於泥地方面,馬會曾於周二進行翻土工程,預計場地狀況與10月18日相近,當日兩匹泥地頭馬「好精神」及「一哥」都係靠追建功,三場「領先直前」及四場「威勢之寶」等擅跑泥地之後上馬值得優先留意。