【狗仔出更】陪住囡囡去旅行 梁家輝陳奕迅返港過除夕

蘋果日報 2017/12/31 22:42

梁家輝陳奕迅機場
    今日係大除夕夜，有唔少外出旅遊或者工作嘅人都趕返香港踏入2018，藝人都唔例外。
    夜晚接近9點，梁家輝同老婆江嘉年、大女Chloe一家三口步出機場，家輝見到有記者時即刻報以微笑，不過老婆同阿女發現記者時，有啲避忌，似乎唔多願上鏡，記者上前問到家輝係咪返嚟倒數？梁笑笑口話：「係呀。」，見佢哋一家三口嘅行季有少少多，雖然有司機搬，但係身為好男人嘅家輝都有落手落腳幫手搬埋一份，搞完一輪之後仲將啲吉咗嘅手推車推番埋旁邊，唔會阻住人哋，友善嘅家輝臨走時又校低車窗，同記者講：「新年快樂呀！」
    而去到夜晚接近十點，《蘋果》記者喺機場發現陳奕迅（Eason）一家三口由閘口步入入境大堂，在場已經有兩名工作人員等候，老婆徐濠縈見在場有記者出現時表現驚訝，之後大方微笑向記者打招呼。
    隨後記者上前向Eason祝賀新年快樂，問到係咪趕住返嚟香港倒數？Eason繼續急步向前，期間只係向記者露出微笑話：「新年快樂。」當記者想繼續訪問時，Eason發揮「吹臣」本色，拉開話題同記者一齊討論鞋款。
    由落機到上車途中，有唔少市民都認出Eason一家三口，紛紛拎部手機出嚟影相拍片，Eason上咗車之後都好友善，特登伸個頭出窗外向途人打招呼：「新年快樂。」
    【minigame】2017瘋暈人物 返工打機唔使擇日
    http://bit.ly/2CeWQkP
    更多娛聞，喺晒《娛果》
    http://fb.com/appledailyent
    empty
    攝影：徐錦池、孔志豪
    empty
    夜晚接近9點，梁家輝同老婆江嘉年、大女Chloe一家三口步出機場。
    empty
    家輝見到有記者時即刻報以微笑
    empty
    empty
    身為好男人嘅家輝都有落手落腳幫手搬埋一份。
    empty
    empty
    去到夜晚接近十點，記者喺機場發現陳奕迅（Eason）一家三口由閘口步入入境大堂。
    empty
    empty
    Eason繼續急步向前，期間只係向記者露出微笑話：「新年快樂。」
    empty
    empty
    Eason上咗車之後都好友善，特登伸個頭出窗外向途人打招呼：「新年快樂。」