家陣被車路士外借到史篤城嘅法國中堅葛特蘇馬，最近大爆效力曼聯嘅國家隊隊友保羅普巴，私底下係一個玩遊戲唔輸得嘅小氣鬼。

蘇馬最近接受訪問，就講到普巴點霸道：「佢唔鍾意輸，玩乜都係，連Uno呢類card game都一樣。有次我同班朋友去佢屋企玩，點知贏咗佢，佢個樣堅嬲，之後就同我講：『你以後都唔好再嚟我屋企。』我當時就回應話：『呢個係card game啫，老友，唔使咁掛？』」

蘇馬冇講普巴係咪一時之氣或者講笑，但相信大家都感受到呢位法國中場本身喺球場上，都係唔輸得嘅人；另外，佢都係一位潮人。「佢好鍾意變髮，我諗大家都知，個Dab舞步又係佢帶到足球圈，所以關於佢個人，我認為佢乜都好。」蘇馬最後咁講。

----------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM