當年今日
關於我們

中環在線:鴻隆改名 霉運未改 - 李華華

蘋果日報 2011/12/09 00:00


藝人改名,都係希望改運,可惜大部份都係半紅不黑,天后王菲初出道時用藝名王靖雯,後尾都用番真名。其實金融界亦一樣,內房股鴻隆(1383)噚日公告天下,將公司名由「鴻隆控股」改為「太陽世紀集團」,諗住一洗頹風,「提供全新企業形象及身份」。
點知股東照掟貨,噚日股價最多插水近一成,收市都要跌5%,報0.241元,認真出師不利!
查實上個月公司都可謂「衰到貼地」:5名執董及非執董先後跳船、核數師劈炮唔撈、供股抽水、主要股東嘅抵押股份被接管,最後連主席都換埋,企業形象跌落谷底,唔怪得要改名重新上路。不過,管理層立立亂,似乎唔係求其換個名就搞得掂!