中國稀土（769）PB平過同類一大截，又係現金牛，。中國稀土主打稀土產品及耐火材料產銷，最新NAV2.45元，現價（2.16元）嘅PB，喺一倍樓下，祖國包鋼稀土（滬：600111）PB講緊14倍，其他類近企業，PB都超過1字頭，中國稀土平通街。中國稀土去年底，揸住現金15億銀，又無負債，係超級現金牛，穩陣到痹。而稀土產品物以罕為貴，祖國政府對呢類稀有產品嘅上游供給，又嚴格控制，加埋工業領域應用性廣泛，供應少，需求Keep住大，集團繼續肥仔水。唔好估多，中國稀土2012年度純利係咁意增長20%到6億銀，PE得五倍幾。呢轉博集團升三成到2.8元，PB仲係一倍多少少，PE未上到雙位數，相對同業，集團仲係好平。