【做人能屈能伸】惡法通過作品將變禁歌 藍奕邦：同港人齊上齊落
蘋果日報 2020/05/27 13:22
藍奕邦雪國港版國安法
（FB截圖）
在5年前曾經因為推出新專輯，幾乎晚晚都收到「不要講太多不要在社交媒體表態」電話的藍奕邦，當時他經歷了一種畏首畏尾，活在香港非自我審查不可的日子，事隔5年，藍奕邦終於走出這個陰霾，想通了人生不能再存有畏首畏尾做人的日子，有自由有聲音表態、世界上有公義存在，遠比能不能在甚麼地方唱、現身節目重要得太多。全國人大將於明天表決強推港版國安法，立法會今日就《國歌條例草案》恢復二讀辯論，如無意外兩條惡法將會通過，香港的人權自由將會跌入另一個新低點。
在惡法將被強行推出的前夕，藍奕邦今日凌晨在社交平台出POST，對於將來的創作路，他說：「呢幾日係度諗，可能就快冇得再喺香港寫我想寫嘅歌，冇人敢搵我寫歌，冇人敢搵我再唱歌，我嘅作品全線成為禁歌。甚至，香港可能好快冇樂壇，可能我好快會被人拉。諸如此類，十萬個可能。我相信大家呢排心裏面對前景有十萬個問號，但諗深一層，冇得喺香港寫，咪返加拿大寫囉。冇得出「藍奕邦」呢個名，咪改個化名囉。冇得喺香港表演，咪喺網上表演囉，最多咪近近地喺台灣開騷，想睇咪飛過嚟睇囉。」
言談間藍奕邦表示已經有被拉準備，他還說：「香港人最叻係咩？咪係能屈能伸囉！路係人自己行出嚟，置之死地而後生。今日做一個訪問，被問到我會唔會返加拿大，我話如果有一日我感覺到人身安全成問題我就會走，否則，我想留喺香港，同香港人齊上齊落。因為香港人好叻，咩都捱得過。所以，真係，冇嘢好驚，亦唔驚得咁多。驚，就倒不如盡做啦！光復香港時代革命。」
藍奕邦在2012年的作品《雪國》最近在網上再瘋傳，歌詞中提到：「來讚頌人民革命 相信它你必有永久保證 來信任大人指令 定神聽別人訓導怎去自主 極生性 豎起雙耳極沉靜 無知覺 冷冰冰 拜跪神像長期在朝聖」，日前他在IG再貼出歌詞，表示：「8年內由北韓變香港。」除了這首歌之外，他有不少作品反映了香港社會情況，如《六月》、《自知之明》與及《最後的信仰》等等。其後有網民留言，感謝每一位發過聲的藝人並說：「2019係所有香港人最沉痛一年，正因為咁我哋一定捱得過，總有一日煲底相見而感到自豪。」亦有人提議他大可以改名為「黃奕邦」甚至連著名的藍絲KOL Matt Leung亦有留言並貼出藍奕邦其中一首歌的歌名《為執着乾杯》。
藍奕邦有不少作品是反映社會目前狀況。（IG截圖）
藍絲界KOL亦有留言。（FB截圖）
網民留言。（FB截圖）
（FB截圖）