李蘢怡（Tiffany）父親上周不幸病逝，原來其父臨終前曾離醫院外出買毛衣，送她作為最後一份聖誕禮物，故她必會永世珍藏。Tiffany直言雙親早年離異，幸母親終可拋下恩怨趕見父親最後一面，也令她這個女兒大感安慰。

李蘢怡上周飽受喪父之痛，日前她在灣仔接受本報訪問，雖然心情已趨平復，但提起亡父生前種種，依然感觸不已。

穿完一次作收藏

Tiffany表示父親臨終前迴光反照，竟離開醫院出外購買毛衣，送給她作聖誕禮物，沒想到這件毛衣竟成為爸爸送她的最後一份聖誕禮物。
Tiffany說：「爹哋之前係一路食唔到嘢，但臨走前個幾兩個禮拜，佢又食到嘢，特登買咗件HystericMini嘅冷衫畀我，我唔捨得着，驚整污糟，但點都會着一次，然後好好哋收起佢。
Tiffany續說：「我爹哋好錫我，之前佢同我講『做人最緊要開心』，佢只係希望我開心，但爹哋未曾睇過我做騷，我未照顧到佢起居飲食已經走咗，呢樣係我最遺憾嘅事。」

母往探病泯恩仇

不過，唯一令Tiffany感到安慰的，就是父親在離世前，與前妻即Tiffany生母拋開了多年恩怨，她說：「媽咪肯去醫院見一見爹哋，幫佢蓋被、同佢傾偈，本來爹哋成個人好緊張，媽咪同佢講叫佢唔使擔心個女，唔使諗咁多，話Tiffany知自己做緊乜，爹哋即刻鬆晒，我知道媽咪咁樣做，安慰啦。」
Tiffany尚有一位胞弟，父親離開後，她就要更加堅強，擔起照顧家庭重任，她說：「雖然我細佬得十八歲，但佢都OK，𠵱家學緊音樂，我都會照顧stepmother（後母），因為佢對我爹哋好好。」
採訪：朱倬誼　攝影：林德雄
髮型：[email protected]
化妝：JessciaChan
場地：GOSSIP51