今年3月疫情擴散至南美洲，身處南美玻利維亞的旅遊blogger「背包浪子」行程大受打亂，更被迫腰斬行程，滯留在玻國一留就3個月：「2月嗰時去到玻利維亞學咗1個月西班牙文，諗住繼續行程去秘魯、哥倫比亞、餘下嘅南美洲，但因為疫情，玻利維亞喺3月18號全國lockdown，包括唔可畀出境、飛機停飛（直至4月15日）。」

記者 葉親惠

玻國全國lockdown時，背包浪子剛到訪了「天空之鏡」返回首都蘇克雷，並在旅館中做打工換宿：「佢唔同香港嘅限聚令，只係准（多過） 2個人出街、食肆要6點前閂門（禁堂食），嗰面（玻利維亞）所有食肆、娛樂場所，店舖，全部都關晒，唯一會開門就係藥房、超市、街市，到咗4月尾直情根據ID或者passport號碼，每人限每個禮拜只有1日可以出街買嘢。所以就要一個禮拜出去1日，買晒成個禮拜要用嘅嘢返去，（市面上）都會有巡邏車、警察喺街度截查。」

背包浪子記得在這段lockdown時期有喜亦有悲，悲的是曾經試過到了星期的中段，耗盡旅館所有食物，被迫「偷雞」外出購買食物補給，他笑言：「惟有用外國人呢個身份：『哎呀，我唔清楚呢樣嘢』，咁樣瞞騙過骨。」但他強調只會在必要時才偷雞外出：「始終措施都係想對疫情有幫助。」而此後他亦寧願買多些食物，不會僅僅買以為足夠的食物。

連續3個月的lockdown經歷亦有因禍得福之處，除了是每一餐都是「住家飯」外，背包浪子更是hostel唯一的「港廚」，又因此嚐盡世界各國的烹調及菜式，「hostel如果有唔同國家嘅人，我哋就會輪流煮自己國家嘅菜式畀全部人食。」嚐過玻國、塞爾維亞、日本、韓國等超過10個國家的菜式，背包浪子最喜歡亞洲的菜式，而他煮的港式炒飯亦令hostel的其他住客都大快朵頤。

Lockdown一實行就3個月，6月玻國步入冬季，機票價格亦較高峯時回落，背包浪子決定回港。回港的3程機票盛惠約16,000港元，比平常貴約2倍，需時約3日。背包浪子航程先由玻國聖克魯斯機場飛6小時到美國邁亞密，再由美國搭國內航班飛洛杉磯，再搭直航機回港。不料剛買好機票翌日，玻國的國內航班有乘客確診，致玻國取消近期的國內航班，而背包浪子正身處首都蘇克雷，沒有國內航班就無法到達出發飛美國的聖克魯斯機場。

經過3、4日頻撲，背包浪子終日憂心能否趕上回港的航班，他慶幸緊急關頭聯絡到一名乘坐同一航班、需要返回美國的乘客，在美客協助下，找到一名肯到聖克魯斯機的司機，並與美國人一同share車資：「嗰程車都要揸10幾個鐘，同埋唔係個個司機都肯去，因為要有licence先可以離開嗰個城市。」

美洲疫情6月越來越嚴重，背包浪子在機上如臨大敵：「我之前去咗虊房買晒保護眼鏡、保護衣，（上機前後）都笠到冚晒，都驚有咩事返到嚟做咗播毒嘅人就唔好。」背包浪子慶幸終在6月下旬安全回港。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！