【撬票熱門訪問】
【本報訊】每次政改前夕，衞生服務界李國麟也被視為轉軚「嫌疑犯」，李國麟稱只是觀感問題，「把口喺人哋度」。他指政改方案若無視普羅市民的提名權、參選權，他看不到有任何理由支持，而他並非追求一個「踢梁振英走」的方法：「如果投票權原來係用嚟趕人走，咁就唔係一個選擇，呢個唔係我哋講緊嘅普選，普選係講緊有三權。」
對於一談轉軚定必數到自己，李國麟聽罷即放聲大笑：「05年開始，個個都話我轉軚，咪由佢講囉，冇話公唔公道。過去我有冇轉軚、轉咗係乜嘢原因，我過往交代得好清楚。」2005年政改，李國麟盛傳是其中一位擬支持政改的議員，但是最終沒有轉軚；2010年他覺得民主黨的「超級區議員」方案值得支持，由反對變支持。

沒斷言必否決政改

連業界也懷疑他會否袋住先，李國麟說：「我早前見過一班護士，佢哋問我轉唔轉軚；我話：『轉咩呢？乜都冇變過』。」李在訪問期間說了逾廿次「冇變過」，認為由8.31框架公佈至今，中央、政府立場「冇變過」，談的只是投票權，但他要求的是提名權、參選權、投票權三者並存：「佢哋憑乜嘢嚟說服我？我要橙，你畀個蘋果我。雖然蘋果又甜又多汁，但係我要橙。」
對於政府稱袋住先非袋一世，經歷三次政改的李國麟對這些承諾聽厭：「呢個唔係新嘢，次次都係咁講㗎啦。」但他沒有斷言一定否決方案，反而不斷透過反問、以假設性問題意義不大為由，拒絕把說話說得太死。李國麟強調，自己立場從來沒變，已經是最清晰的表態。
■記者姚國雄