【着衫襯口罩】黃紫盈疫情下拍廣告 高度戒備化妝掃都消毒
廣告黃紫盈抗疫
紫盈出外工作,為了粉紅色口罩,刻意襯一條粉紅色花裙。
疫情下仍然有工開確實非常難得,前無綫新聞主播黃紫盈昨日在IG透露要出門工作,還為粉紅色口罩襯了一條粉紅色花裙,自我「醒一醒神」,她說:「每逢出門工作都要戴口罩,跟不少人一樣,口罩有咩色就戴咩色,邊有得揀咁多?抗疫不能鬆懈,但苦中也可作樂!既然今日遇上粉紅口罩,那就選個清新造型,順道影張靚相,醒一醒神。」
紫盈日前為化妝品牌拍攝廣告,在影樓拍照超過10小時,她表示防疫功夫亦做到足:「除咗我拍攝時暫時唔戴口罩,全部工作人員都有戴,令我拍得放心。我要用嘅道具、咪,甚至着嘅衫,工作人員畀我之前都消毒過,我自己就自備私家化妝品,啲掃都消過毒過至畀化妝師用,保障雙方嘛!」
紫盈透露除了食飯和休息時間,大家都自律保持距離,寧願一個人「獨食」。而今次的廣告亦有分享抗疫衞生問題,並分享扮靚小貼士,她說:「拍攝時要對着空氣做反應,要做出好多個『紫盈表情包』,以配合後期動畫,都有啲難度。」
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》