繼鍾楚紅澄清從未息影後，鄭文雅前晚獲選為十位成功女性之一時亦透露有意復出拍電影，她坦言只求合適劇本，但「無厘頭」角色則免問。另一得獎人汪明荃勸勉年輕人成功靠勤力，要與時並進。

雜誌《Jessica》前晚在中環舉行「成功女性大獎2005」頒獎禮，今屆十位得獎人包括汪明荃、鄭文雅、何秀蘭、震雄集團行政總裁蔣麗婉、魯平媳婦姚珏和音樂人林敏怡等，眾人大談成功之道。

謝絕無厘頭戲

穿低胸裙的鄭文雅全場最性感，她透露目前主要是打高球、教授智障兒童製作陶泥等，令她發揮自己的影響力，更令家人成為義工。問鄭文雅可會效法鍾楚紅重投影壇，鄭文雅即說：「我都係冇話過息影㗎，若果有好劇本，我都會考慮拍片，因為我都有啲戲癮，以前喺新藝城拍過三十幾套戲，都有千萬製作㗎！其實一直都有人叫我拍戲，但劇本唔啱，最想拍反映現代女性生活嘅電影，嗰啲無厘頭戲就唔使搵我喇。」

阿姐勉勵後輩

另一得獎者汪明荃獲Lanvin贊助以一身花裙示人，她謙稱不是成功女性，阿姐說：「我都係盡自己努力去做，當然呢個獎對我都係一個鼓勵同認同。我認為年輕人最緊要勤力，充實自己，與時並進。」此外，姚珏獲丈夫魯恭到場打氣，她透露月底將帶同兩個女兒到澳洲表演。
採訪：JessicaNgan
攝影：HoKwokHo