內地唱作人李榮浩即將喺明年2月25號，嚟到紅館舉行演唱會，今日李榮浩就喺灣仔出席演唱會記招，佢話之前喺大陸巡演時，曾經唱過四大天王嘅作品，所以今次香港站嘅演出想加入多啲本地元素，咁會唔會試唱廣東歌？佢話：「還在想，暫時只學了幾句，廣東話真的很難。」

咁會唔會向女友楊丞琳請教吓？佢話：「她是廣東人，也說得不錯。」咁到時會唔會邀請佢嚟睇？李榮浩話：「還不知道，要看情況。」佢又透露雖然之前咁多站演出都冇邀請嘉賓，但嚟到香港，考慮緊香港站會搵番請番香港歌手做合作。