陳凱欣昨於九龍城亞皆老街球場公佈參選決定,建制派昨未有空群而出,除高永文和鄭泳舜外,陳亦找來朋友及義工撐場。陳以「欣為你.突破界限」為宣傳口號,發言時稱香港近年多了對立和分化、少了包容,希望做些對社會好的事,反問「係咪可以(令港人)住得舒服啲、我食嘢係咪可以安心啲?」不過當被問到以特權法徹查沙中綫問題、以及收緊《議事規則》立場等政治問題時,陳即不肯正面回應,「如果真係需要某啲方法先可以解決到個問題,我會係好公開,但係亦都好開放嘅態度一齊去討論」。
對於外界指她代表建制派搶九西席位,陳似不介意被視為建制派,她說泛民已有代表參選,「我自然企喺呢一度嘅話,大家都會有(建制派)呢個咁嘅形容詞」,強調「外界點樣形容,冇問題,最緊要我自己做好自己」,對於她早前稱因受山竹感召參選,結果遭外界揶揄,陳昨改口稱山竹只是考慮參選問題時其中一個經歷,又稱會透過眾籌籌集選舉經費,目標是112.5萬元。
■記者呂浩然