著名女星渡邊直美由日本紅到中華圈各地，尤其台灣更係佢半個家鄉，近日佢再到台灣吸金，除咗為代言嘅排汗爽身淨味劑宣傳外，今日仲獲安排到春陽茶事飲珍珠奶茶，見老闆「聚寶哥」王信凱同埋「黑人」陳建州。

黑人出名高大威猛，今次佢同超過200磅嘅渡邊直美見面可謂一見如故，仲即場抱起渡邊直美展示臂力，好彩渡邊直美有穿打底褲，如果唔係就在Ig直播其走光一刻。

今次，黑人仲充當媒人，向渡邊直美推薦老友王信凱，話對方從未交過女朋友，連身旁嘅翻譯姐姐都話冇可能，懶得向渡邊直美翻譯，逗得渡邊直美不知幾高興，又話唔介意聚寶哥身上嘅紋身，佢哋已約定下次再到台灣見面食飯。

精選娛聞，喺晒《娛果》
http://fb.com/appledailyent