大陸女星范冰冰捲入「逃稅風暴」，至今已經「神隱」了103日，日前有大陸傳媒到其豪宅門外，發現冰冰名下嘅多架價值千萬靚車都消失了，有傳佢嘅事業陷及人身安全陷入危機！

據大陸媒體報道，冰冰位於北京三里屯嘅豪宅，樓下只停泊一架保母車，乃平日拍戲作代步之用；之前冰冰名下坐擁多架貴車，包括Benz及用嚟炫耀嘅勞斯萊斯，有傳男友李晨求婚時，更送上價值逾千萬嘅麥拿倫超級跑車冧女友，但依家全部不見了，被質疑是防止被查封而提早過戶！

另外，有陸媒更狠批冰冰捲入逃稅災難，盤點冰冰由《還珠格格》扮演丫環「金瑣」，一路努力向上爬，結果蟬聯5年「福布斯」中國名人榜首位，踢爆冰冰嘅吸金大法，就是靠開出天價片酬、成立工作室、到外國投資物業買樓收租，有傳冰冰在加拿大嘅7個大學校區都有物業揸手，單收租就有350萬港元進帳。

有指冰冰種種作為跟大陸提倡「禁奢」、「均富」嘅風氣背道而馳，因樹大招風最終惹禍上身，日前更在中國社科院「中國影視明星社會責任研究報告」上，作為紅星嘅冰冰竟以0分包尾，諷刺佢對社會全冇貢獻。

而上月網上瘋傳冰冰戴上手扣同腳鐐嘅P圖，身邊還有兩女名警，被惡作劇指是「逮捕畫面」，怎知今日網上又再流傳呢張假相，冰冰遭人蓄意惡搞。

精選娛聞，喺晒《娛果》
http://fb.com/appledailyent