鄧紫棋(G.E.M.)、李蘊及賭王千金何超蓮噚晚開聖誕party，仲互相交換禮物，G.E.M.收到一個餅屋。

超蓮凌晨喺Ig動態放咗條片，雖然mute咗聲，不過片中就影住G.E.M.同男友人合照，因為唔夠高，要企上一級樓梯，李蘊更大笑指住G.E.M.企高咗一級。

不過焦點應該係G.E.M.同造型師男友Mark噃，明顯喺片中見到G.E.M.同Mark着晒情侶look，Mark更為G.E.M.揸機影相，影大合照時，佢哋二人又企埋一齊，戀情已經「半公開」。