做個安全駕駛者，除了要留心路面情況外，亦都要細心注意座駕的性能，例如有沒有發出奇怪聲音。網民popowong4287日前開車時正正注意到車內好像有動物叫聲，結果停車並揭開車頭蓋檢查引擎，成功救出藏身其中的兩隻小貓，他的細心和愛心贏得大批網民表揚。

「話說我啱啱打算揸車出門，家人話看見車底有隻貓仔，叫我小心留意先揸走。」住村屋的網民popowong4287上車前拍打車身，再蹲下查看車底，未有任何發現，便安心開車出村。

開車400米聞慘叫聲

「行了一陣，聽見有動物叫聲，我還以為係烏鴉叫，冇理到。」popowong4287的車繼續前行約400米後，「突然聽到啲叫聲十分大而且悽厲，我當時至腦海靈光一閃，即時停車熄匙，落車打開頭蓋。」
果然不出popowong4287所料，在車頭蓋下引擎位置原來藏着一隻小貓。「我打算捉牠，牠卻逃入引擎邊的小空間。」就在此時另一隻小貓突然從引擎另一邊冒出來，當場被popowong4287逮住。「最後我扳開車底一塊底殼捉埋原先嗰隻貓出嚟，𠵱家次次用車時我都打開車頭蓋睇睇先放得心。」

另車主發現肥老鼠

「兩條小生命無事，真係多得你咁細心，做得好！」網民紛紛讚揚popowong4287細心表現，令兩隻小貓撿回一命。Net神奇怪為何兩隻小貓會藏在車頭內，據網民bebemi解釋，由於秋冬天氣轉凉，車頭引擎餘溫會吸引野貓當作睡窩，因此細心車主每次開車都應該拍打車頭蓋以防萬一。網民raymohk亦有類似經驗，不過其座駕內睡着的並不是貓。「我試過泊街，朝早拿車時打開車頭蓋，發現有兩隻肥老鼠。」

http://www14.discuss.com.hk/viewthread.php?tid=5355771&extra=page%3D2

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]