美國麻煩女星蓮莎露夏恩（LindsayLohan）早前被雜誌爆佢嘅上床集郵名單，名單上面嘅36位男士當中有美國男星占士法蘭高（JamesFranco），而占士就死口都唔認同蓮莎上過床，仲話佢講大話。

不過，占士日前接受電台主持HowardStern訪問就改口風，喺主持逼供下，占士認04年曾經同蓮莎親熱，只係咀嘴，冇上床。原因係嗰陣蓮莎得17歲，而占士就26歲。事有湊巧，占士上次喺網上結識兼約開房嘅女仔都係17歲.....主持Howard話仲唔係好信占士冇同蓮莎發生關係，搞到占士要用阿媽條命，發誓自己冇做過。

占士仲話同蓮莎咀嘴係一件「好廢」嘅事，又爆蓮莎曾經半夜3點闖入占士住嘅酒店房，嚇親當時喺梳發瞓着嘅佢。

咁占士話冇上過床啫，上梳化計唔計？