安以軒同安鈞璨認識10年，當年因「車神（極速愛戀）」結緣，安鈞璨曾在安以軒生日講過「很感謝生命中有妳，一直在照顧我，為我著想，比親人還親。」更承諾若安以軒35歲未嫁，就會娶佢，不過最後不敵癌魔(新聞連結： http://bit.ly/2rJCLx0 )。

安以軒晚上喺台北文華方酒店舉行婚宴，老公陳榮煉有150名親友到賀，由於老公比較怕羞，所以冇同安以軒一齊接受訪問，安以軒指有好友夢見安鈞璨，「看到他在婚禮幫你招呼賓客」，令安以軒聽到超級感動，覺得親如弟弟嘅小安一直都在。

被問噚晚心情點？安以軒笑住話：「食咗安眠藥仲係瞓唔着，佢同老公一人半粒。」經過之前喺夏威夷海島婚禮之後，今次安以軒心情係比較輕鬆，佢話：「夏威夷婚禮是心情緊繃，這裡前一天都有來看過，心理安定多了。」

安以軒亦好感謝好友出席佢個婚宴，韓星安宰賢噚晚先落機，潘瑋柏同房祖名喺北京，因為暴雨班機延誤，即視訊俾安以軒，安以軒話：「潘瑋柏本來買了紅黑外套，但可能來不及回家拿，還拍了影片給我，問我就穿身上的衣服可以嗎？」而房祖名就講笑問安以軒自己可以FaceTime出席嗎?

佢又透露老公求婚時，安宰賢係關鍵人物，原來當時安以軒飛去韓國同安宰賢影海報，陳榮煉飛去韓國陪佢，為咗壯膽，陳榮煉同安宰賢一齊飲茅台深水炸彈後，仲去咗打夜光保齡球，返去沖完涼，安以軒食緊炸雞時，老公跪下拎拎住酒瓶蓋拉環求婚，安以軒仲反問老公：「我還反問他，你確定嗎?洗澡撞到頭嗎?他有點紅眼眶，才知道他是認真的。」嗰一刻佢冇即時答應，覺得老公只係想浪漫一下，「老公說你居然沒同意，還把瓶蓋從我手上拔走」，但神奇係兩樽啤酒嘅樽蓋裡面編號竟然係06同5，就係陳榮煉「綽號」，陳榮煉即講笑稱「我要是不娶妳都對不起老天爺」，而當日係10月31號，竟然下榻房間房號又係「1031」，所有嘢都好巧合，令安以軒幾驚訝。