一代跳水運動員田亮，拎過唔少獎牌成日見報。不過，田亮見報嘅原因就唔只係跳水叻嘅，好似佢嘅感情生活都係傳媒關注焦點。

田亮仲係運動員嘅時候，同跳水皇后郭晶晶經常俾人拉埋嚟講，呢對金牌情侶嘅戀情一直疑幻疑真。田亮直到04年先喺一次訪問入面，承認有愛過郭晶晶，不過因為奧運要全心練水，導致失去咗呢段姻緣。

兩人感情無疾而終，田亮喺07年退役無耐，就同大陸女星葉一茜奉子成婚。而郭晶晶就喺04年開始同霍啟剛撻着，拍拖8年，直到12年郭晶晶同霍啟剛結婚，兩人當時喺霍家沙宣道大宅設宴，吸引好多傳媒採訪，甚至租用吊臂車高抄婚禮現場，非常矚目。