韓國50歲美魔女金成鈴嘅樣貌同佢實際年齡一啲都唔相符，喺前日播出嘅《Happy Together3》中，金成鈴就被追問有冇嫉妒過邊位演員，當大家起哄問係唔係嫉妒過李一華同高賢貞，甚至係女團TWICE時，金成鈴就竟然爆話最嫉妒嘅女星就正正係佢戲外戲內兒子都愛嘅女星。

原來金成鉉最嬲豬嘅女星就係《繼承者們》嘅女星朴信惠，事關現實生活中佢嘅囝囝就超級迷戀朴信惠，當佢同朴信惠拍攝《繼承者們》時，佢囝囝就對媽咪表現得毫不關心，一直喺媽咪身邊講朴信惠好靚，甚至攞咗阿媽個電話傳訊息畀朴信惠，告知女神自己就係金成鈴嘅兒子。

至於喺劇中，飾演金成鈴個仔嘅李敏鎬，同樣愛得朴信惠要生要死，難怪金成鈴對朴信惠咁嫉妒啦。