數個追數馬房近期都有馬贏,最危仍是孫達志,胡森乃次危,周三分別憑「麟轉乾坤」及「至勝威龍」贏馬。
要追數,好自然要加多兩錢肉緊,不過,胡森仍依然故我,反而,最近見到孫達志對少數馬明顯改變了其一貫的操練手法,唔再疏操、少跳,變得密跳,甚至有彈閘及拍跳課期,無再行行企企,懶懶閒,完全感受到他正在想盡力達標。
周三「麟轉乾坤」已是其中一匹,列陣周日第二場「甜蜜蜜」,今季曾幾何時經常在出賽前只行下踱下,直至最近才可較頻密上陣,難得頂得順,這次與上次相隔兩星期,周四竟然出大圈快跳,操法與前時完全唔同,以孫達志的「往績」,跑得咁密唔跳正常,有跳已絕對唔尋常,另一驚喜是,周四跳過顯得份外肯走,睇完確有啲唔相信,但感覺真係咁,今次縱有「刺刀」未必能贏,買Q不妨預埋佢。
詳盡內容可留意明日<<蘋果日報>>及蘋果馬網 http://hk.racing.nextmedia.com