當年今日
關於我們

【去到先知凍】去南非睇獅子 雨僑帶埋絲質睡衣…

蘋果日報 2018/06/12 15:12

羅力威南非雨僑

雨僑早前獲電視台邀請到南非拍攝旅遊節目,14日行程去咗10幾個景點,每天朝早4點就要起身化妝,行程緊密,雖然每日都要好早起身,但雨僑話非常值得,因為去非洲睇獅子一直都係自己人生中嘅夢想。
作為Blogger,雨僑事前做足準備:「今次拍攝我襯咗啲幻想中適合非洲嘅衣服去,例如色彩豐富嘅大長裙,希望好飄逸咁同斑馬、獅子影相。點知原來南非好凍㗎!凍到著羽絨都唔夠暖,入面仲要着外套打底。」不過去到夢想中嘅地方,雨僑話捱凍都好值得,特別係上高山睇南非全景,好震撼。
大學主修生物學系嘅雨僑,好想見到獅子:「以前讀書成日去field trip,但香港可以去到field trip,最多睇到中華白海豚、青蛙,好少機會見到大型哺乳類動物,所以非洲草原一直係我好想去嘅check point,去非洲睇獅子更係我人生好想好想做到嘅事!」雨僑喺社交平台分享咗此行每朝都嘆到嘅豐富早餐相,但唔好以為佢好嘆,雨僑話:「其實每日行程都好趕,但因為我以半個blogger身份嚟拍攝,所以每朝都要影影影,再post post post!」
今程佢特登帶咗套絲質睡衣,兼一早起身燙衫,原來係雨僑好友送畀佢結婚上頭時着嘅,但最終冇用到,所以今次帶去着住食早餐時影相。
做咗人妻無耐,雨僑話自己有煮早餐習慣:「我都好鍾意煮早餐,女仔嘅早餐一般都係煎pancake、焗薯仔,或者簡單煮麥皮,但屋企自從多咗個男人之後,我嘅早餐變得好man,佢(羅力威)係個早餐可以食麻辣火鍋、煲仔飯嘅人嚟,我就鍾意悠悠閒閒飲咖啡,呢樣嘢要慢慢協調喇!O依家煮早餐都要煮兩款先可以一齊食!」
結婚4個幾月,佢哋仲未度蜜月,雨僑話:「希望呢幾個月可以去到啦!我哋想近近地去日本,因為日本係我哋第一個旅行嘅地方。」
精選娛聞,喺晒《娛果》
http://fb.com/appledailyent
empty
雨僑去南非拍旅行特輯
empty
歎住咖啡諗起老公食嘅早餐
empty
每朝嘅早餐都好豐富
empty
每套衫都襯埋大自然景色
empty
唔好以為好享受,其實凍到震
empty
去外地都要影好多相放上網
empty
終於睇到獅子,夢想達成
empty
雨僑鍾意去field trip,可以接觸大自然