當年今日
關於我們

【李八方ONLINE】張文光內地旅行「被割膽」?

蘋果日報 2018/09/10 19:04

張文光

中央政府前年11月起,重新接受部分民主派人士的回鄉證申請後,身兼民主黨中委同支聯會常委的張文光,去年4月即成功申請回鄉證,去年6月到過亡父家鄉台山,係佢28年來首次到訪內地。親建制網媒橙新聞上周五就突然有篇題為「領回鄉證首遊絲路 張文光手術台上了解內地新面貌」報導,話張文光「今年9月」再次返內地旅行,去到甘肅瓜州騎駱駝時,突然感到上腹痛,其後證實患上膽囊炎。
報導話,張文光問咗香港醫生意見後,就喺瓜州醫院接受咗兩小時手術,因為粒膽石太大,用微創手術攞唔到出嚟,要先打碎先攞得走。張文光手術成功後,留醫6天,就坐飛機返港,事後讚瓜州的醫生同醫院好專業。
目前同太太喺美國旅行的張文光,今日接受八方查詢就話,呢件事其實發生喺去年9月,話當時返港後半個月後,手術傷口已好返哂,多謝大家關心咁話。