譚凱琪同張達倫今日喺灣仔出席名錶展，原來佢哋都有儲錶嘅習慣，譚凱琪笑指以前曾收過男友送贈嘅手錶，提佢做人要守時。

張達倫表示儲咗10幾隻錶，問到最貴嘅錶價值幾多錢？佢笑住話：「唔講錢。」提到太太的預產期係10月15日，張達倫就話待囝囝出世嘅時候，佢會買一隻又響鬧功能嘅手錶，佢笑住話：「隻錶一響就代表我要去餵奶，亦係紀念囝囝出世，會係順產，希望唔好同我同一日16日出世，畀番一日我吖！」至於改名方面，張達倫話仲未改名，因為佢想搵人幫手改返個好名。