當年今日

三哥寸演員做得唔好

蘋果日報 2013/05/07 05:20


苗僑偉(三哥)和萬綺雯(蚊蚊)主演的無綫劇《好心作怪》緊接《金枝貳》播映,昨日二人現身電視城,對被指為收視救亡,三哥說:「唔好咁講,我驚救唔到亡,越拖越累喎!希望沖淡吓喇,有啲另外戲種睇吓啱唔啱,我都希望將啲收視掹番好啲。其實我覺得如果《金枝貳》收視唔得都幾冷門,呢套好啱香港觀眾口味,佢哋鍾意好宮廷、勾心鬥角啲戲,得21點真係好奇怪囉!」
事實上近期無綫劇收視偏低,從年頭至今,暫時只有《老表,你好嘢!》整套劇平均收視有30點以上,有份參演的蚊蚊笑說:「呢餐飯唔易食㗎!」問到三哥會否視為目標?他說:「如果破咗《金枝貳》呢個紀錄,低過21點(平均),咪請鵬哥(無綫高層梁乃鵬)食飯,同佢講對唔住,我哋演員做得唔好,有怪莫怪!」
不過三哥都有替《金枝貳》講好說話,他說:「會唔會計錯數呀?呢套劇又古裝、又大卡士喎,TVB啲慣性收視照計唔會得21點。」對於有演員稱不明對白的內容,三哥說:「可能係唔啱觀眾口味。」
採訪、攝影:何慧斯
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/