【回顧十年】RubberBand變大叔 笑言要為自己打氣
RubberBand盧凱彤發現號
樂隊RubberBand噚晚喺九展開騷,今次佢哋重返十年前第一次開騷嘅地方,同要fans一齊回顧十年嚟嘅日子,演唱會一開騷,台下嘅觀眾已經High到企晒起身,佢哋除咗唱新歌之外,仲唱咗唔少以前嘅歌。主音6號話:「十年前嘅今日,我哋出咗第一張大碟,十年後今日,我哋再喺同呢度再開音樂會,希望唔會搞到大家好攰。」
期間佢哋仲唱咗《幾分鐘的約會》,向已故歌手陳百強致敬,之後6號話要送首歌俾一個好朋友,然後唱出好友盧凱彤嘅《囂張》,唱時台上熄晒燈,只係得兩邊螢幕播出天空嘅短片。喺佢哋唱出《逆流之歌》之前,6號搞笑話:「轉眼間我哋都已經變咗大叔,冇辦法唔為自己打氣。」
之後6號仲話:「有啲朋友聽完呢首歌話好似《發現號》,好多朋友話遇到困難嘅時候,好鍾意聽到呢首歌,好開心大家鍾意呢首歌。不過《發現號》係九年前嘅作品,嗰陣第一次喺呢個地方唱,我同阿偉唱到甩晒咀,仲喊到媽都唔認得,如果今次再唱,希望大家一齊唱。」
精選娛聞,喺晒《娛果》
http://fb.com/appledailyent