今日嘅哀號,莫過於日本暫停免簽證畀香港人,變相封香港關。香港人冇得「返鄉下」,連民建聯李慧琼都唔可以再去日本穿和服影相呃like。喺日本持有物業的民主黨涂謹申一年平均到日本兩次,今次勢成苦主,佢話今年至今都未有去過日本,原本可能到喺3、4月到日本賞櫻,因應日本最新嘅公佈,暫時都冇得去。
喺東京和京都都有物業嘅涂謹申,視日本物業係佢嘅度假屋,同朋友聯誼,如今短期內冇得再去,但阿涂睇得好開,話冇咩所謂喎,唯有等疫情過咗之後先再赴日。不過,如果個疫情去到暑假,到時又要備戰立法會選舉,唔知「回鄉」計劃使唔使推遲到年底呢?