35歲唐寧早前宣佈同年長13年、有舞台劇才子之稱嘅鄧偉傑離婚,導演彭秀慧嘅舊情史再次被翻出,指當年佢係鄧偉傑跟前度蘇玉華嘅第三者( 新聞連結: http://bit.ly/2sihxY8 ),噚晚彭秀慧出席中環舉行嘅聯合國難民署第10屆慈善難民電影節首映禮,首度開腔自辯:「唔係事實,自己都唔識反應,亦都冇理由將自己嘅嘢攤晒出嚟講,呢啲都係好耐之前嘅事,已經唔重要,佢哋要面對嘅嘢好多,講多句亦幫唔到件事。自己都有少少唔開心,做乜要畀人誤會呢,唔好再講喇,只係會越描越黑,總之祝福大家生活過得安好。」