兒科專科醫生張蔚賢稱，年約兩歲幼童的牙齒未出齊，咀嚼吞嚥的能力未算成熟，進食提子這類較圓身亦較大粒的食物，確有一定風險。他直指：「提子圓碌碌比較滑，啲皮有時都難咀嚼，唔小心隨時成粒吞咗，一吞咗就好容易『落錯格』鯁親」；建議家長先將提子剪碎、剝皮及除核，才餵幼童進食。

當幼童進食時一旦鯁喉，張醫生向家長教路，若他們學過急救，可即時將涉事的幼童面部及肚皮向下，俯伏在自己大腿上，並拍打幼童的背部，幫助幼童吐出食物。

惟他提醒此舉「唔可以試太耐，拍2、3下唔得，或者見幼童反應唔正常，面色有變，就即刻要Call白車求救；唔好亂咁拍，更加唔好伸手指落喉嚨去撩，以免(將食物)愈撩愈入。」

你敢爆，我敢獎！ 即Call《蘋果》24小時爆相爆片熱線 ：63836568