【新增影片】
日本人氣樂隊SEKAI NO OWARI再度襲港，明晚將踏上九展Star Hall舞台，是隊中唯一女將Saori產後首次襲港開騷，而四位成員昨晚抵港即打邊爐醫肚，今日更上摩天輪接受《蘋果》專訪。

SEKAI NO OWARI近年成功衝出日本，既改中文隊名「世界末日」主攻亞洲，又以「End of the World」之名打開國際市場，四人抵埗卻遇着颱風「百里嘉」接近本港，雖然今日發出一號戒備信號，但仍然陽光普照，組合更到中環海濱乘坐摩天輪及騎木馬，忙裏偷閒趁住打風前欣賞維港靚景。

隊中主音深瀨慧（Fukase）曾自爆畏高，佢今日坐上摩天輪卻毫無懼色，不僅與隊友齊齊Selfie，Fukase還面帶笑容表示：「我比較怕高，好少會到遊樂場，但以前打工要在摩天輪內打掃，所以不太擔心。」SEKAI NO OWARI經常要到海外演出，提到Saori已榮升媽咪，佢就話：「BB還未夠一歲，暫時未可以帶到海外照顧，如果長大一點，我都想帶他一同到各地開工，幾位隊友都好愛錫我的小孩，又常常抱他，到時隊友們應該會幫忙湊B。」

明晚香港騷，Saori表示會為歌迷帶來新歌，問到有否學定廣東話？DJ LOVE答：「廣東話比普通話更加難記，我只識講『你好』、『再見』、『多謝』。」隊長Nakajin自言最近經常進入錄音室，透露正灌錄新歌籌備全新專輯。SEKAI NO OWARI早前偕韓國Hip-Hop組合Epik High炮製歌曲《Sleeping Beauty》，Fukase談到合作契機，係因為彼此感情要好，不時約食飯及又互相到演唱會捧場，剛好呢首英文單曲想加入饒舌部份，所以造就合作機會。對於日本今年接連受天災侵襲，組合一向熱心公慈，Saori透露仍會為同胞出一分力，但尚未計劃以甚麼形式來行善及賑災。

精選娛聞，喺晒《娛果》
http://fb.com/appledailyent