韓國獨立樂團Hyukoh噚日及今日一連兩晚喺九展MusicZone開騷，噚晚成員舉行首場演出，成員演唱近20首歌冧港迷，主唱吳赫更全程講普通話、廣東話及英文跟粉絲溝通，非常識做。

晚上8時半成員準時現身，先演唱《Comes and Goes》打頭陣，吳赫之後表示：「今次係第二次嚟香港，特別開心，謝謝大家，希望大家跟我哋開心地玩。」吳赫用普通話表示：「我待在中國十多年，所以我會說中文，但我不會說廣東話。」不過台下港迷一樣興奮，不時大叫「靚仔」，而吳赫亦好識搞氣氛，笑言上次嚟香港時落好大雨，今次來港都有落雨，表示成員李仁雨個名有個「雨」字，所以會招風雨。雖然吳赫多講普通話，不過都不時怕醜地用廣東話講「多謝」，令台下女粉絲大叫「好可愛」。

而Encore時，Hyukoh就唱出人氣歌《Wi ing Wi ing》，粉絲亦跟住唱，最後Hyukoh又跟粉絲影大合照先離開。