吳雨霏（Kary）為演唱會DVD喺奧海城宣傳，Kary近日因為排舞，搞到膝蓋軟骨發炎，佢喺微博貼咗張膝頭紅腫照片，仲自嘲腫如豬蹄，認真慘慘，難怪今日Kary出活動時，上落樓梯都要助手扶住。問到男友余文樂係咪「最佳止痛藥」？佢甜笑點頭。稍後Kary到澳門開個唱，咁會唔會帶埋「私人止痛藥」同行？佢笑指：「大個女可照顧自己，食咗止痛藥先，食飽先有力做騷。」