【護友惹禍】「小便女」Naomi夜蒲爆爭執 離開遇襲被打甩牙骹
蘋果日報 2019/09/08 14:44
Naomi遇襲夜蒲馮鎵瀠小便女打甩牙骹
曾出寫真的「小便女」馮鎵瀠(Naomi)今日凌晨2時在facebook提問「銅鑼灣而家有咩玩？」後，於今早7時，Naomi在fb大叫「救命」，打卡位置是灣仔律敦治醫院急症室，《蘋果》聯絡上她了解，Naomi在電話回覆，指跟男友人到同志吧消遣時，男友人疑被人非禮下體：「我勸喻對方停止非禮，我唔識對方，我同佢講朋友唔係gay，對方稱都唔係gay。我哋走時就被人打傷，3個男仔打我一個，我左右手嘅手踭、左邊膊頭同雙腳受傷，右邊牙骹打甩咗，而家喺律敦治驗傷。」Naomi更向記者展示了傷勢照片，手腳有擦傷瘀痕，臉容甩妝兼憔悴，眼泛淚光。
Naomi今早8時再在fb再講述事件發生經過：「剛才於酒吧消遣時，有陌生人坐落我哋張枱。」她指同行男友人疑被非禮：「我哋禮貌地勸喻停止，然後離開。對方『吹雞』喺樓下的士站伏擊我哋。3個人先襲擊同行友人，打至眼鏡飛脫及受傷，被送上的士離開。我上前擋駕，有認識路過的朋友勸交時，3人捉實我，令我被3人打至四肢受傷流血及下顎移位，現已報警處理。對方於lift口表示自己係警察，打人後表示自己並非警察。我覺得佢唔係警察，冒警只因驚我哋報警。該3名打人男子，其後致電其中一途人致歉，我一定會追究到底！而家叫你唔好摸我朋友就要打人，有個女仔話打人嗰個係佢老公，話打人嗰個唔係gay！但摸人重要部位。」Naomi呼籲有冇人可交出CCTV助查真相，又再貼出多張受傷相片，她續說：「我下顎、膊頭、手掌、指甲、四肢均受傷，我朋友受傷比我更嚴重！」
(被訪者提供照片)
Naomi遇襲後眼泛淚光。(被訪者提供照片)
Naomi在急症室等驗傷。(被訪者提供照片)
Naomi臉容憔悴。(被訪者提供照片)
Naomi雙腳都受傷。(被訪者提供照片)
Naomi手掌撞瘀。(被訪者提供照片)
「小便女」Naomi。(資料圖片)