韓劇《奇皇后》女星河智苑早前同家姐去咗法國拍攝真人騷節目《和姐姐GOGO》，噚晚播出最後一集，而河智苑亦於節目中表達不捨之情。

節目中，河智苑表示：「呢次係一段無法用言語表達嘅時光，我永遠都唔會忘記。呢度所有人對我​​都非常親切同溫暖，我覺得自己特別幸福。」

而製作組亦表示：「河智苑兩姐妹希望為款待嘅客人留下一段美好嘅回憶，雖然因為韓國同法國嘅文化差異而出現大大小小嘅失誤，但反而為大家帶來歡樂。」

另外，河智苑於今日公開親自填詞嘅歌曲《你是ZOE》。據知，新歌歌詞係河智苑拍攝《和姐姐GOGO》時於法國完成。