黎燕珊(Eva)囝囝Dicky(劉德權)噚日18歲生日，日前佢哋就喺尖東帝苑酒店搞驚喜生日P，約晒Dicky啲好友出席，親友加埋60人，當日珊姐與Dicky嘅同學夾計話約Dicky去酒店吃自助餐，一推門成班同學已經等緊，Dicky都估唔到有咁多人嚟，珊姐同家姐Wynce(劉詠詩)仲同佢一齊切蛋糕。

契媽沙姐(林建明)仲贈Dicky幾句，話佢0依個18歲，可以「為所欲為」，不過沙姐嘅意思係：「你可以盡好市民責任去投票,自己做決定,亦都可以去學揸車,以後不單媽媽可以接你放學,你都可以接媽媽收工,更加可以自己揸主意考大學。」

至珊姐又喺台上話:「今次籌備了大約半年,更多謝沙姐的支持,但真的想不到Dicky完全不知,還以為他偷偷收到風,所以好多謝他的一班同學為整件事保密。」