【港男重生】
Calvin於2000年大學畢業後任文職工作，像不少年輕人為前途拼搏，但一年後證實患血癌要接受骨髓移植。本以為逃過鬼門關，但死神不肯放過他，因出現排斥導致肺部嚴重受損，肺功能餘下兩成要輪候換肺。試過數次醫院通知或有合適屍肺，但都「食詐糊」，令他一度不敢再有期望，「最後關鍵醫病唔係藥，而係捐贈者嘅愛」。

他說，2002年初肺部開始嚴重衰退，經常感染，2003年沙士爆發也要時常進出醫院。後期只剩下80多磅，虛弱得失去自理能力，無法工作。到2005年開始輪候換肺，曾有數次接獲醫院來電指或有合適屍肺，叫他準備做手術，但最後確定不適合，「心情係等，唔期望好大扭轉，只不過係等，唔刻意強求」。他輪候約一年，2006年冬至晚上終獲合適屍肺移植，由當日肌肉萎縮要坐輪椅，到現時「夠氣夠力做想做嘅事」。
葛量洪醫院結核暨胸肺內科部門主管王志方指，Calvin是他參與治療肺移植病人20年來最深刻個案，「第一次見Calvin，年輕人坐輪椅聞氧氣，推佢嚟嘅係白髮媽媽，心內好難受」。Calvin手術後首天情況非常差，肺部無法運作，經過醫護團隊搶救終能康復。
■記者陳沛冰