日本長腿女星菜菜緒早前上節目自爆圈中冇乜朋友，不過人緣麻麻就冇影響佢嘅星途，近年工作量激增，而且越來越受當地電視台重用，連帶廣告合約都接唔停手，最近以一身高貴look為物流公司拍攝新廣告。

菜菜緒表示放假通常會留喺屋企過，呢位大忙人噚日又偷得浮生曬太陽，佢仲好大方咁po咗幾張自拍照，又留言話一個人獨佔成個泳池，着住比堅尼嘅菜菜緒見冇人當然用手機瘋狂selfie，一於盡晒窈窕身材，獲網民留言讚索。