子車禍傷綜援婦五口斷炊

蘋果日報 2002/01/11 00:00


阿嫻的九歲兒子,月前在澳門遇上嚴重車禍頭部重傷,猶幸性命得保,然而龐大的醫療費卻令阿嫻與四名子女的生活陷入絕境,阿嫻一家已欠交屋租數月而被房屋署着令限日遷出,五歲幼子更因欠交學費而面臨輟學。
「當時阿仔被車撞到好傷,玻璃碎片插咗入個頭度,一直昏迷,做完手術個人都係昏昏沉沉,一個月之後先醒番,𠵱家叫做好番,不過唔知係咪撞親個頭,變得遲鈍咗,成績都退步咗好多。」三十六歲的阿嫻憶述三子於去年六月發生車禍時的情形。

一萬元醫療費
阿嫻十多年前與首任丈夫結婚,婚後誕下兩女一子,現年分別十四、十一及九歲;其後夫妻因為性格不合離婚。阿嫻於九五年與一名內地男子再婚,誕下一子,現年五歲,丈夫在江西生活,夫妻長期分隔兩地,與前夫所生三名子女交由阿嫻在澳門居住的姊姊照顧,她與幼子在港生活。由於丈夫失業兩年,無法供養他們,阿嫻只得靠領取綜援金度日。
「阿仔喺澳門出事,醫療費要成一萬蚊,我朋友好心借錢畀我,不過佢環境都唔好,所以我每月要喺綜援金度扣錢還畀佢,𠵱家已經還晒。」阿嫻表示,她為了還債,被迫拖欠租金及幼子幼稚園學費,房屋署月前終向其發出「着令遷出通知書」,勒令她需限日清繳欠租,否則將會收回單位;而學校方面亦暗示其子有可能將要停學,頓令阿嫻感到世界末日降臨。
只剩一罐罐頭
「房署其實已經好寬容,冇迫得我好緊,我真係冇辦法先欠租;我同細仔呢排都係煲白粥同食罐頭,𠵱家只係剩番一罐罐頭。如果真係要收番間屋,你叫我兩母子搬去邊?」本來正在玩耍的幼子聽到自己或將無家可歸時,頻向母親嚷着:「媽咪,點解會冇屋住呀,點解啫?」阿嫻的個案由香港單親協會轉介蘋果日報慈善基金跟進,蘋果基金有見阿嫻困境,即時撥款一萬元,解其燃眉之急。 捐款編號:C0418

暖流熱線
電話:29908688
傳真:23702192
電郵:[email protected]
網址: http://www.charity.atnext.com