碧咸嫂VictoriaBeckham在港開設專門店，佢今日已秘密抵港作最後籌備，其公司團隊亦將其行蹤保密，但她鬼馬地在Instagram打卡。原來碧咸嫂一落地已返到下榻的置地文華東方酒店，休息一陣就出動，到佢置地新舖打點。大概今晚8點幾，佢就同大概8至10個保安及保鑣行去對面嘅都爹利街，應該為活動作籌備，同行仲有Joyce高層傍實。

碧咸嫂仲好守規矩咁，等交通燈轉綠公仔先至過馬路，見到有記者影相仲打招乎，盡顯親民。

據悉，碧咸嫂入住置地文華酒店，行程緊密嘅佢明日會在新舖招待一班香港名媛，晚上就出席私人晚宴活動，鄧永鏘、郭晶晶與何超盈等獲邀出席，星期六就會在酒店舉行私人講座，晚上會去邵氏影城出席amfAR慈善舞會，獲大會頒授特別榮譽獎項。